Ol bizdiń elge áser ete me?
Sarapshylar mólsherleme tómendese AQSH dollary jahandyq deńgeıde álsireı berýi múmkin dep otyr, dep habarlaıdy Almaty-akshamy.kz
AQSH-tyń eńbek statısıkasy búrosy qazan aıynda ashyq jumys oryndarynyń sany 2021 jyldyń basynan beri eń tómengi deńgeıge jetkenin habarlady. Bul eńbek naryǵy birtindep baıaýlaı bastaǵanyn bildiredi.
Máselen, qoljetimdi pozısıa sany ótken aıda 8,7 mıllıonǵa deıin qysqarǵan.
Bul kórsetkish barlyq baǵalaýdan tómen bolyp qana qoımaı, barlyq salany qamtydy, dep jazady "Tengenomika" telegram arnasy.
«Máselen, byltyr aı saıyn 4 mıllıonnan astam adam jumystan shyǵaryldy, bul olardyń basqa jumysqa ornalasý qabiletine degen senimdiligin kórsetken. Kóbinese áldeqaıda joǵary jalaqyǵa bardy kóbi. Qazir jaǵdaı turaqtalǵan: jumystan óz erkimen ketkenderdiń úlesin jalpy jumyspen qamtý úlesi retinde ólsheıtin jumystan bosatý deńgeıi dep atalatyn tórtinshi aıdan beri 2021 jyldyń basynan beri eń tómengi deńgeıde qalyp otyr», - delingen basylymda.
Sarapshylardyń pikirinshe, naryqtaǵy mundaı jaǵdaı eńbek naryǵynyń baıaýlaýy qarjylyq jaǵdaıdy tezirek jeńildetýge, atap aıtqanda ekonomıkadaǵy paıyzdyq mólsherlemelerdiń tómendeýine qosymsha dálel bola alady.
«Bul óz kezeginde mólsherleme tómendese AQSH dollary jahandyq deńgeıde álsireı berýi múmkin degendi bildiredi. Bizdiń ekonomıkamyz úshin AQSH dollarynyń álsireýi jáne dollar stavkalarynyń tómendeýi damýshy elderdiń aktıvterine suranystyń artýyna baılanysty oń qubylys bolmaq», - dep jazady avtorlar.