Qazaqstandyq delegasıa quramynda bilim berý, qurylys, astyq ındýstrıasy, týrızm, baspa, tigin óndirisi, qonaq úı-meıramhana bıznesiniń ókileri boldy.
Naýryz meıramyn toılaý aıasynda EXPO 2020 Dubai dúnıejúzilik kórmesinde Qazaqstan pavılonynyń alańynda Qazaqstannyń isker áıelder qaýymdastyǵy ókilderi qatysqan is-shara ótti, dep habarlaıdy Almaty-akshamy.kz
Tanystyrylym barysynda áıelder elimizdiń óńirlerinde júzege asyrylyp jatqan bıznes pen áleýmettik jobalardy talqylady.
İs-shara Qazaqstan men Birikken Arab Ámirlikteriniń qatysýshylary úshin tájirıbe almasýǵa jáne áleýetti seriktestermen iskerlik qarym-qatynas ornatýǵa múmkindik berdi.
Pavılon ashylǵaly beri oǵan 1,4 mln-nan astam adam kelgenin, al onyń alańynda 50-ge jýyq iskerlik jáne mádenı is-sharalar ótkizilgenin atap ótken jón.