Qalalyq qyzmet aýlalar men qoǵamdyq oryndardaǵy qulaǵan aǵashtardy tazartyp jatyr.
Almatyda qardyń kesirinen qulaǵan aǵashtar men butaqtar 44 kólikti zaqymdady, dep habarlaıdy Almaty-akshamy.kz AstanaTv arnasyna silteme jasap.
Almatyda qalyń qar kesirinen kóptegen aǵash qulady. Olar bir táýlik ishinde 44 kólikti zaqymdaǵan. Qalalyq qyzmet aýlalar men qoǵamdyq oryndardaǵy qulaǵan aǵashtardy tazartyp jatyr.
Sondaı-aq, joldarda kóktaıǵaq bolmas úshin, aldyn alý jumystary da jalǵasyp jatyr. Bul jumystarǵa myńnan astam jumysshy men alty júz birlik tehnıka jumyldyrylǵan.
«Qazirgi ýaqytta joldarǵa qum sebý jumystary jalǵasyp jatyr. Biz kóktaıǵaqtyń aldyn alý jumystaryn turaqty júrgizip otyramyz. Sebebi bizde aýa raıy turaqsyz, túsken qar erip-qatyp, kóktaıǵaq bolý qaýpi joǵary. Sondyqtan mamandar aýa raıyn saraptaıdy, qaraıdy. Birinshi kezekte jolaıryqtarǵa, eńisterge, joǵaryǵa kóteriletin joldarǵa sebiledi. Abattandyrý qyzmeti shtattyq rejımde jumys isteıdi», - dedi Almaty qalasy ákimdiginiń turǵyn úı saıasaty basqarmasy bóliminiń bas mamany Aleksandr Sergeev.