Tómengi jetkiliktilik sheginiń mólsheri týraly aqparat BJZQ saıtynda jarıalanǵan.
Ótinish enpf.kz saıtyndaǵy jeke kabınet arqyly berilýi múmkin nemese BJZQ-nyń kez kelgen óńirlik bólimshesine salymshy ózi kelýi tıis, dep habarlaıdy Almaty-akshamy.kz
Tómengi jetkiliktilik shegi boıynsha 2021 jyldyń zeınetaqy jınaqtaryn IPB-ǵa tek 2022 jyldyń 1 sáýirine deıin aýdarýǵa bolady, dep habarlaıdy QazAqparat.
BJZQ salymshylary ózderiniń zeınetaqy jınaqtarynyń bir bóligin turǵyn úı jaǵdaıyn jaqsartý jáne (nemese) emdelýdiń aqysyn tóleý úshin ǵana emes, sondaı-aq, ınvestısıalyq portfeldi basqarýshy kompanıalarǵa ınvestısıalyq basqarýǵa berý úshin de paıdalanýǵa quqyly.
Salymshynyń zeınetaqy jınaqtary kelesi jaǵdaılarda IPB basqarýyna berilýi múmkin:
- salymshynyń BJZQ-daǵy naqty zeınetaqy jınaqtary men zeınetaqy jınaqtarynyń eń az jetkiliktilik shegi arasyndaǵy aıyrmadan aspaǵan mólsherde;
- ómir boıǵy tólemderdi kózdeıtin saqtandyrý uıymymen zeınetaqy anýıteti sharty jasalǵan jaǵdaıda, salymshynyń BJZQ-daǵy shotyndaǵy zeınetaqy jınaqtarynyń qaldyǵynan aspaıtyn mólsherde.
Bıylǵy 1 sáýirden bastap 2022 jylǵa eseptelgen zeınetaqy jınaqtarynyń eń tómengi jetkiliktilik shegi (TJSH) kúshine enedi.
Buǵan deıin Prezıdent Qasym-Jomart Toqaevtyń tapsyrmasyn oryndaý úshin Qazaqstan Respýblıkasy Úkimetiniń 2021 jylǵy 13 jeltoqsandaǵy №875 qaýlysymen 2021 jylǵa eseptelgen TJSH qoldaný merzimi 2022 jyldyń 1 sáýirine deıin uzartyldy.
Osylaısha, 2022 jylǵa arnalǵan TJSH 2022 jyldyń 1 sáýirinen bastap kúshine enetindikten, zeınetaqy jınaqtaryn IPB-ǵa 2021 jylǵa eseptelgen TJSH shamalaryna sáıkes ótinishter boıynsha 2022 jylǵy 31 naýryzdy qosa alǵanda aýdarýǵa bolady.
TJSH mólsheri týraly aqparat BJZQ saıtynda jarıalanǵan. Zeınetaqy jınaqtaryn bir nemese birneshe IPB aýdarý úshin salymshy BJZQ-ǵa ótinishpen júginýi qajet.
Ótinish enpf.kz saıtyndaǵy jeke kabınet arqyly berilýi múmkin nemese BJZQ-nyń kez kelgen óńirlik bólimshesine salymshy ózi kelýi tıis.
BJZQ salymshydan ótinish kelip túsken kúnnen keıin kúntizbelik otyz kún ishinde zeınetaqy jınaqtaryn IPB senimgerlik basqarýǵa aýdarady.