Mádenıet jáne sport mınıstri fýtzal aıaqdopshylarynyń sheber oıyndaryna joǵary baǵa berdi
Osyǵan oraı Qazaqstan fýtbol federasıasynda saltanatty is-shara ótti, dep habarlaıdy Almaty-akshamy.kz.
İs-sharada komanda jáne bapkerlermen kezdesýde Mádenıet jáne sport mınıstri Aqtoty Raıymqulova quramamyz jankúıerler úmitin aqtap, fýtzal áleminde sensasıa jasaǵanyn jetkizdi.
Bul týraly Mádenıet jáne sport mınıstrliginiń baspasóz qyzmeti habarlaıdy.
«Tabandy oıyn mánerin kórsetip, álemniń alpaýyt quramalaryna laıyqty qarsylyq kórsettińizder. Terezesi teń oıynda bizdiń qurama sanasýǵa tıis qarsylas ekenin pash ettińizder. Sizderdiń jeńiske degen zor erik-jigerlerińiz, komandanyń uıymshyldyǵy, janqıarlyǵy, patrıotızmniń jarqyn kórinisi kópke úlgi. Sizder úshin ár mach ońaıǵa túsken joq. Alaıda sizder syn saǵatta shyn sheber ekendikterińizdi kórsetýmen boldyńyzdar. Halyqaralyq fýtbol federasıasynyń bizdiń quramany adal oıyn kórsetkeni úshin arnaıy júldemen marapattaýy osynyń aıqyn dáleli. Qurmetti fýtbolshylar, bapkerler, biz sizderdi maqtan tutamyz»,- dedi mınıstr.