Oǵan halyqaralyq izdeý jarıalaǵan.
İshki ister mınıstrliginiń aqparatyna saı, Argentına aýmaǵynda İİM Interpol ulttyq búrosynyń suraýy boıynsha Andreı Hazbýlatov ustaldy, dep habarlaıdy Almaty-akshamy.kz
Byltyr jazda elordalyq Sybaılas jemqorlyqqa qarsy qyzmet oǵan Qylmystyq kodekstiń 189-baby 4-bóliginde kózdelgen qylmysty jasaǵany úshin halyqaralyq izdeý jarıalaǵan. Ol 196 mıllıon teńgeden astam qarajatty zańsyz ıemdendi degen kúdikke ilindi.
Qazaq ǵylymı-zertteý mádenıet ınstıtýtynyń resmı saıtyndaǵy aqparatqa sáıkes, Andreı Ravılevıch Hazbýlatov fılosofıa ǵylymdarynyń doktory (PhD), dosent, Qazaqstannyń 2050 jylǵa deıingi mádenı saıasatynyń tujyrymdamasynyń, «Kınematografıa týraly» zańynyń avtorlary men ázirleýshileriniń biri, Qazaqstan Respýblıkasynyń eńbek sińirgen qaıratkeri.