Keı aýmaqta qatty jel turyp, qalyń tuman bolady.
"Qazgıdromet" RMK 18 naýryzda Qazaqstannyń birqatar óńirine daýyldy eskertý jarıalady, dep habarlaıdy Almaty-akshamy.kz
Túnde jáne tańerteń Qaraǵandy oblysynyń soltústiginde, shyǵysynda, ortalyǵynda, sondaı-aq Qaraǵandy qalasynda da tuman bolady dep kútiledi.
Túrkistan oblysynyń taýly aýdandarynda 15-20 m/s jyldamdyqpen jel soǵady dep boljanady.
Mańǵystaý oblysynyń soltústik-shyǵysynda shańdy daýyl turady dep kútiledi. Oblystyń soltústiginde, shyǵysynda soqqan jeldiń ekpini 15-20 m/s quraıdy.
Túnde Batys Qazaqstan oblysynyń batysynda, ońtústiginde, kúndiz óńirdiń batysynda, ońtústiginde, shyǵysynda kóktaıǵaq bolady dep kútiledi. Oblystyń ońtústiginde, soltústiginde, shyǵysynda tuman tusýi yqtımal. Oral qalasynda da túnde jáne tańerteń tuman bolady dep boljanady.
Qyzylorda oblysynyń soltústiginde, ortalyǵynda 15-20 m/s jyldamdyqpen jel soǵady dep kútiledi.
Kúndiz Aqtóbe oblysynyń batysynda, ortalyǵynda kóktaıǵaq bolýy yqtımal. Túnde óńir ortalyǵynda, kúndiz oblystyń ońtústiginde soqqan jeldiń ekpini 15-20 m/s deıin jetedi.
Atyraý oblysynda jaýyn-shashyn (jańbyr, qar) bolady, oblystyń soltústiginde, ońtústiginde kóktaıǵaq bolady dep kútiledi. Oblystyń batysynda, ońtústiginde tuman túsýi yqtımal. Kúndiz oblystyń ońtústiginde, shyǵysynda soqqan jeldiń ekpini 15-20 m/s quraıdy. Atyraýda jaýyn-shashyn (jańbyr, qar) bolady, túnde jáne tańerteń tuman túsýi yqtımal.
Kúndiz Qostanaı oblysynyń batysynda, ońtústiginde jaýyn-shashyn (jańbyr, qar), kóktaıǵaq bolady dep kútiledi. Oblystyń batysynda, ońtústiginde tuman túsýi yqtımal.
Jetisý oblysynyń Alakól aýdanynda soqqan jeldiń ekpini 23-28 m/s deıin jetedi.