Ulttyq statısıka búrosynyń málimeti boıynsha, 2023 jylǵy qańtar-qyrkúıek aralyǵynda elimizdegi kýrortty aımaqtarǵa 3 mln 73 myńnan astam adam barǵan.
Bul – 2022 jylǵy kórsetkishpen salystyrǵanda 344 myń adamǵa kóp. Iaǵnı, 2022 jylǵy sáıkes kezeń boıynsha ósim 12,6%-ǵa artqan. 2022 jyldyń 9 aıynda elimizdegi kýrorttarǵa 2 mln 729 myń adam kelgen, dep habarlaıdy almaty-akshamy.kz.
Osy oraıda, nazarlaryńyzǵa 2023 jylǵy qańtar-qyrkúıek aralyǵynda týrıser kóp barǵan Qazaqstannyń eń tanymal TOP-5 kýrortty aımaǵyn usynamyz. 2023 jylǵy alǵashqy 9 aıdyń qorytyndysy boıynsha, Almaty taý klasteri elimizdegi eń tanymal kýrortty aımaq dep tanyldy. Ótken jyldyń qańtar-qyrkúıek aralyǵynda Almaty taý klasterine 1 mln 728 myń týrıs kelgen. Reıtıńtiń ekinshi orny Mańǵystaý kýrorttaryna tıesili. Elimizdiń batys aımaǵyndaǵy kýrortty mekenge 299 myń adam barǵan. Úshinshi orynǵa 243 myń týrıs qabyldaǵan Shýche-Býrabaı kýrortty aımaǵy jaıǵasty. Sonymen qatar úzdik bestiktiń qataryna elimizdegi eń tanymal eki jazǵy demalys orny enip otyr. Alakóldiń Abaı oblysyndaǵy bóligine toǵyz aıda 204 myń týrıs kelse, Balqash kýrorttyq aımaǵyna 94 myń saıahatshy barǵan.
«Keıingi jyldary Qazaqstannyń ishki týrızmi qarqyndy damyp keledi. Elimizdegi kýrorttar tek otandyq demalýshylardyń ǵana emes, sheteldik qonaqtardyń da qyzyǵýshylyǵyna ıe. Mınıstrlik bul kórsetkishterdi memlekettik qoldaý is-sharalary aıasynda ulǵaıtýǵa múddeli. Búgingi tańda kez kelgen týrıs úshin demalys ornyn tańdaýdaǵy negizgi krıterıılerdiń biri – ınfraqurylym ekeni belgili. Sondyqtan týrısik oryndardaǵy ınfraqurylymdy jaqsartý boıynsha jumystar ári qaraı da jalǵasa bermek. Ókinishke qaraı, keıbir kýrorttardyń áleýeti áli de tolyq ashylmaǵan. Mysaly, Katonqaraǵaı kýrortty aımaǵynyń tabıǵaty joǵaryda atalǵan týrısik oryndardan esh kem túspeıdi. Biraq ótken jyldyń 9 aıynda Katonqaraǵaıǵa nebári 7,8 myń adam kelgen», - dedi Týrızm jáne sport mınıstriniń orynbasary Erjan Erkinbaev.
Statısıkalyq málimetter boıynsha, kýrortty aımaqtardaǵy ornalastyrý oryndarynda kórsetilgen qyzmetterdiń tabysy da ósken. 2022 jylǵy qańtardan qyrkúıekke deıin kýrortty aımaqtardyń konaq úıleri 74 mlrd teńgeden astam somaǵa qyzmet kórsetse, 2023 jyldyń osy kezeńinde kórsetkish 29 mlrd teńgege ósip, tabys 103 mlrd teńgege jetken. Jyldyq ósim – 39%.