Enbek mobıldi qosymshasynda jańa daǵdylar men quzyretterdi ıgerý múmkindigi paıda boldy.
Endi Skills Enbek kásiptik oqytý platformasynda ornalasqan kýrstardy smartfon arqyly oqýǵa bolady, dep habarlaıdy Almaty-akshamy.kz Eńbek jáne halyqty áleýmetik qorǵaý mınıstrligine silteme jasap.
Qosymshada paıdalanýshylarǵa oqý úshin kýrstardy izdeý, berilgen mamandyqtar nemese daǵdylar boıynsha tańdaý múmkindigi, sondaı-aq kilt sózder boıynsha keńeıtilgen izdeý (mamandyq nemese kýrstyń ataýy) qol jetimdi.
Kýrsty tańdaǵanda, paıdalanýshy onyń sıpattamasymen, uzaqtyǵymen, sabaqtar men tapsyrmalardyń sanymen, avtorymen jáne sholýlarymen tanysa alady. Paıdalanýshylarǵa yńǵaıly bolý úshin «Dıalogtar» bóliminde avtorlarmen keri baılanys qol jetimdi
Oqý barysy men oqý tarıhy jeke kabınette, «Meniń oqýym» bóliminde qoljetimdi. Kýrsty sátti aıaqtap, qorytyndy testileýden ótkennen keıin júkteýge bolatyn elektrondyq sertıfıkat beriledi. Aıaqtalǵan kýrs boıynsha alynǵan daǵdylar men sertıfıkattar Enbek.kz-tegi paıdalanýshynyń túıindemesinde avtomatty túrde kórsetiledi.
Osylaısha, Enbek mobıldi qosymshasynda búgingi kúnde kelesi múmkindikter bar: jumys izdeý, jumyssyzdardy tirkeý, jumysynan aıyrylý boıynsha áleýmettik tólemder alý, Business.Enbek.kz kásipkerlikti qoldaý qyzmetterine qol jetkizý jáne Skills Enbek kýrstarynda oqý.
Enbek qoldanbasy barlyǵyna tegin jáne PlayMarket jáne AppStore-da qoljetimdi.