Qazaqstannyń eń bedeldi Ticketon Awards jeńimpazdary anyqtaldy, dep habarlaıdy Almaty-akshamy.kz
Qazaqstandaǵy mádenıet, óner jáne sport salasyndaǵy jetinshi jáne eń tanymal Ticketon Awards syılyǵynyń daýys berýi aıaqtaldy. Daýys berý 8 aqpanda bastalyp, 10-11 naýryzda tún ortasynda aıaqtaldy. Barlyq daýystardy sanaý 11 naýryzda aıaqtaldy. Kez kelgen qazaqstandyq óziniń pikirinshe, ótken jyly Qazaqstandaǵy mádenıet pen sport salasyna eleýli úles qosqan adamdarǵa daýys bere alady.
Osy aralyqta kandıdattarǵa barlyǵy 154 620 daýys berildi. Daýys berýdiń sońǵy kúni, ıaǵnı 10 naýryzda usynylǵan kandıdattarǵa 5890 daýys berildi. Qazaqstandyqtar sport pen óner salasyndaǵy eń súıikti, talantty, aıtýly ókilderdi tańdady.
«Jyldyń otandyq fılmi» atalymy boıynsha «Mirjaqyp. Oıan, qazaq!» tarıhı dramasy jalpy daýys berý qorytyndysy boıynsha 2331 daýys jınaǵan.
«Jyldyń sheteldik fılmi» atalymy boıynsha 1160 daýys jınaǵan «Oppengeımer» dramasy jeńimpaz dep kútilýde.
«Mirjaqyp. Oıan, qazaq!» fılminde basty róldi somdaǵan Baqyt Qajybaev «Jyl akteri» nomınasıasyn jeńip aldy. Ol osy atalymda 2647 daýyspen 1012 daýys jınaǵan básekelesi, akter Rústem Janymanovtan oq boıy ozyp shyǵyp, úlken basymdyqpen kósh bastady.
Daýystardy qorytyndylaý boıynsha Darıǵa Badyqova «Jyl kınoaktrısasy» atandy. Darıǵa - jarqyn jáne erekshe komedıalyq aktrısa. Ol «Taptym-aý seni» komedıasynda basty róldi somdady ári osy fılmniń prodúseri. Buǵan deıin aktrısa osy nomınasıa boıynsha eki ret (2019 jáne 2022) Tıketon syılyǵyn alǵan.
«Jyldyń konserttik gastroli» nomınasıasynda 878 daýys jınaǵan ataqty rep ánshisi 50 Centtiń konserti eń kóp daýys jınap jeńimpaz atandy. Ol byltyrǵy jyldyń 28 qarashasynda Almatyda ánshiniń «The Final Lap Tour» týrnesiniń aıasynda ótti. Kópshilik úshin umytylmastaı bolǵan konsertten keıin qazaqstandyqtar ózderiniń ystyq lebizderimen bólisti.
«Qazaqtyń jyl artısi» nomınasıasynda eń tanymal qazaqstandyq «Irına Qaıratqyzy» tobyn 167 daýyspen jeńip, 1011 daýys jınaǵan Sadraddın jeńimpaz atandy. Bul jas ártis qazaqstandyqtardyń júregin jaýlap úlgerdi, onyń konsertterine ánshiniń myńdaǵan jankúıerleri asyǵady.
Qazaqstandyqtardyń pikirinshe, jyldyń eń jarqyn sporttyq oqıǵasy ótken jyldyń 26 naýryzynda «Astana Arena» alańynda ótken Qazaqstan-Danıa fýtbol machy boldy. Kezdesý 3:2 esebimen qazaqstandyq komandanyń paıdasyna aıaqtaldy. Bul shara 1513 daýys jınady.
«Balalarǵa arnalǵan jyl oqıǵasy» atalymynda barlyǵy 738 daýys jınaǵan «Muz júrek» balalar jaryq shoýy jeńiske jetti. Jarqyn is-shara úrlemeli rekvızıtter, qar, sabyn jáne tútin shoýlarymen ınteraktıvti áreketterdi qamtydy. Qoıylymnyń ereksheligi ár bala jaı ǵana kórermen emes, búkil qoıylym boıy ártistermen aralasyp, oqıǵalarǵa qatysýshy boldy.
Bıylǵy jyly paıda bolǵan «Internetten shyqqan batyr» jańa nomınasıasy boıynsha hımıalyq elementter men reaksıalar týraly án jazǵan Instagram jelisindegi eń tanymal hımıa muǵalimi Ulan Úsenov jeńimpaz atandy. Ol qazaqstandyqtardyń 1646 daýysyna ıe boldy.
Bıylǵy Ticketon Awards marapatyna 34 sanat pen 7 kategorıa boıynsha 300-den astam úmitker qatysty. Syılyqtyń maqsaty – 2023 jylǵa arnalǵan ártúrli janrlardaǵy úzdik shyǵarmashylyq jumystardy anyqtaý, daryndy tulǵalardy tanýǵa qol jetkizý jáne yntalandyrý, sondaı-aq qazaqstandyqtardyń nazaryn mádenı dástúrlerdi saqtaýǵa jáne damytýǵa aýdarý.
«Osy jyly marapat kóptegen tosynsyılar ákeldi! Bul oıyn-saýyq ındýstrıasynyń qarqyndy damyp jatqanyn, jańa esimderdiń paıda bolýyn jáne kórermenderdiń súıiktileriniń ózgerip otyratynyn bildiredi. Syılyq oıyn-saýyq pen sport salasyna áser etken jańa tulǵalar men mádenı is-sharalardy naqtylaı alady dep senemin», - dep atap ótti «Ticketon Events» JSHS bas dırektory Vıktorıa Torgýnakova.
Jeńimpazdar aǵymdaǵy jyldyń 20 sáýirinde Almatyda ótetin saltanatty marapattaý rásiminde marapattalady.