QR Kólik mınıstrligi Avtomobıl joldary komıteti tóraǵasynyń orynbasary Anar Ǵabdýllına qazaqstandyq delegasıa quramynda «Qazaqstan-Túrıngıa» dóńgelek ústeliniń jumysyna qatysty.
Ónerkásip jáne qurylys vıse-mınıstri Oljas Saparbekov bastaǵan qazaqstandyq delegasıanyń quramyna QR Kólik mınıstrliginiń, Qaraǵandy qalasy ákimdiginiń, «QazIndustry qazaqstandyq ındýstrıa jáne eksport ortalyǵy» AQ, «Kazakh Invest UK» AQ, «QazAvtoJol» UK» AQ, Qaz Textile Industry AQ jáne «Qazaqstan Respýblıkasynyń Jeńil ónerkásip kásiporyndarynyń qaýymdastyǵy» ZTB ókilderi men otandyq birqatar iri kompanıa ókilderi kirdi, dep habarlaıdy Almaty-akshamy.kz.
İs-sharanyń qorytyndysy boıynsha Qazaqstan men Túrıngıa kompanıalary arasynda jol ınfraqurylymyn damytý jáne kartografıalyq derekterdi jınaý salasyndaǵy, sondaı-aq turǵyn úı-kommýnaldyq sharýashylyq sektoryndaǵy energıa tıimdiligi salasyndaǵy yntymaqtastyq týraly birqatar memorandým men kelisimge qol qoıyldy. Atap aıtqanda, bul qujattar elimizdiń joldarynda joǵary jyldamdyqty kópfýnksıonaldy ólsheý júıesin paıdalaný arqyly joldardyń jaı-kúıin tirkeý jáne baǵalaý máselelerin qamtıdy. Jalpy taraptar Qazaqstan Respýblıkasynyń jol ınfraqurylymyn damytý máseleleri boıynsha yntymaqtastyqty odan ári damytýǵa nıetti ekenderin aıtyp jetkizdi.
Aıta keterligi, ótken jyly sáýir aıynda Túrıngıa delegasıasy Qazaqstanǵa kelgen bolatyn. Jalpy eki tarap buryn-sońdy qol jetkizilgen ýaǵdalastyqtardy júzege asyryp, yntymaqtastyqtyń jańa múmkindikterin anyqtaý boıynsha birlesken jumysty odan ári jalǵastyrýǵa múddeli ekendikterin bildirdi.