Elena Rybakına WTA 500 týrnırin jeńispen bastady
Qazaqstannyń birinshi, álemniń 12-raketkasy Elena Rybakına Sankt-Peterbýrg WTA 500 týrnırin jeńispen bastady, dep habarlaıdy Almaty-akshamy.kz
Jarystyń 3-raketkasy bolyp tirkelgen qazaqstandyq tenısshi alǵashqy aınalymda dúnıejúzilik reıtıńte 81-orynda turǵan reseılik Varvara Grachevamen kezdesti.
Birinshi partıada eki breık jasaǵan qazaqstandyq tenısshi aıqyn basymdylyq kórsetti - 6:2. Ekinshi sette alǵash geımin V.Gracheva alǵanymen, odan keıin E.Rybakına des bermedi - 6:1.
Bir saǵatqa jýyq ýaqytqa sozylǵan machta E.Rybakına 5 eıs jasap, 9 breık-poınttyń beseýin paıdalana bildi. Qazaqstandyq tenısshi shırek fınalǵa shyǵý úshin álemniń 42-raketkasy, chehıalyq Tereza Martınsovamen talasady.