Sebebi sábıdiń qujatyn perzenthanadaǵylar durys toltyrmaǵan
Nur Otan partıasy baspasóz qyzmetiniń málimetinshe, partıanyń Almaty qalalyq fılıalyna Maqpal Nurlan esimdi kelinshek №3 qalalyq perzenthanaǵa shaǵymyn aıtyp habarlasqan.
Ol 2021 jylǵy 29 qyrkúıek kúni dúnıege kelgen qyzynyń jynysyn perzenthana qyzmetkerleri aqparattyq bazaǵa «ul» dep qate tirkep jibergen aıtty, dep habarlaıdy Almaty-akshamy.kz QazAqparatqa silteme jasap.
Qate jasalǵanyna 4 aı ýaqyt ótse de, ózgeris engizý jumysy nátıjesin bermegen.
«Nur Otan partıasy Almaty qalalyq fılıaly qalalyq máslıhat depýtaty Ásıa Aqanovamen birlesip, QR Densaýlyq saqtaý mınıstrliginiń aqparattyq bazasyndaǵy qatelikti túzetý boıynsha jumysy nátıjesin berdi. Partıaǵa habarlasqaly 10 kún ishinde qyzdyń anasy týý týraly kýálikti qolyna alyp otyr. Atalǵan jaıtqa uqsas máseleler boıynsha partıaǵa azamattar jıi habarlasady. Barlyq ótinishter partıanyń baqylaýyna alynyp, tıisti sharalar atqarylady», - dep habarlady partıanyń baspasóz qyzmeti.
Mysaly, qazirgi sátte qaladaǵy bir mekeme esepshisiniń qateliginen náresteniń anasy bala týýǵa jáne bala kútimi boıynsha járdemaqyny jarty jyldan beri ala almaı júr.