Májilis depýtattary bir aptadan keıin el aımaqtaryn aralap, halyqpen kezdesedi
Depýtattar halyqtyń kókeıindegi máselelerdi tyńdap, olardy sheshýge at salysady. Bul týraly Palata tóraǵasy Erlan Qoshanov málimdedi. Onyń aıtýynsha, depýtattar Prezıdent aıtqan eskertýlerden qorytyndy shyǵaryp, ári qaraı jumys isteýi kerek.
«Óz kezegimizde barlyq áleýmettik-ekonomıkalyq tapsyrmalardy tıisti sapaly zańdarmen qamtamasyz etýge judyryqtaı jumylýymyz kerek. Sonymen birge endi bir aptadan keıin barlyǵymyz saılaýshylarmen kezdesý úshin aımaqtarǵa shyǵatyn bolamyz. Sol kezde osy naqty qadamdardy árbir saılaýshyǵa, árbir azamatqa jetkizýimiz qajet. El ıgiligine qyzmet etý – barshamyzdyń basty paryzymyz», - dedi QR Parlamenti Májilisiniń tóraǵasy Erlan Qoshanov.