Ulttyq tasymaldaýshynyń barlyq poıyzdarynda mýltımedıalyq portal arqyly fılmder kórýge, mýzyka tyńdaýǵa bolady.
Jolaýshylarǵa túrli janrdaǵy fılmder usynylǵan: komedıalar, dramalar, tarıhı jáne derekti fılmder, sondaı-aq keń kólemdi mýzykalyq tańdamalar men aýdıokitaptar tizimi de bar. Balalar úshin múltfılmder men ártúrli oıyndar qarastyrylǵan. Portaldyń ınterfeısi jyl saıyn jetildirilip, paıdalanýshylar úshin barynsha yńǵaıly etip jasalady. Kontent toqsan saıyn jańartylyp otyrady. Árbir jolaýshy ózine jańasha jáne qyzyqty nárse taba alady, dep habarlaıdy Almaty-akshamy.kz.
Poıyzdaǵy mýltımedıalyq portalǵa qosylý úshin:
- Gadjettegi mobıldi derekterdi óshirý qajet;
- Qurylǵyda Wi-Fi qosý qajet;
- Qoljetimdi jeliler tiziminen KTZ jelisin tańdaý qajet;
- Braýzerdi ashyp, http://vputi.kz saıtyna ótý qajet;
- Tirkelý úshin jeke derekterdi engizý qajet (T.A.Á., elektrondyq poshta jáne telefon nómiri).
Poıyz jolserikteri jolaýshylarǵa nusqaýlyq berip, olardyń smartfondaryn jergilikti Wi-Fi jelisine qosýǵa kómektese alady.