Memleket basshysyna ónertanýshy Olga Batýrına qazaqstandyq talantty qylqalam sheberleriniń týyndylary jınaqtalǵan «Dala keskindemesi: rámizder, boıaýlar, beıneler» atty kórmeni tanystyrdy, dep habarlaıdy almaty-akshamy.kz
Qasym-Jomart Toqaevqa áıgili ıtalıalyq sýretshi Leonardo da Vınchıdiń «Ádemi hanshaıym» (La bella principessa) kartınasynyń túpnusqasy kórsetildi.
Tanymal týyndynyń kórmesi Ulttyq mýzeıdiń 10 jyldyǵyna oraı Italıanyń «Scripta Maneant» baspasymen birlese uıymdastyrylǵan. Joǵary Renesans dáýirine jatatyn bul qundy jádiger Eýropadan tysqary jerge alǵash ret shyǵarylyp otyr.
Kórme elimizdiń Mádenıet jáne aqparat mınıstrliginiń, Italıanyń Qazaqstandaǵy elshiliginiń jáne Italıa mádenıet ınstıtýtynyń qoldaýymen ótip jatyr.
Elorda turǵyndary men qonaqtary Leonardo da Vınchıdiń osynaý biregeı týyndysyn 4 tamyzǵa deıin tamashalaı alady.