Tek osy jyldyń basynan beri elimizden 15,6 myń tonna balyq syrtqa satyldy.
Bul týraly ekologıa jáne tabıǵı resýrstar mınıstri Erlan Nysanbaev aıtty, dep habarlaıdy Almaty-akshamy.kz.
Úkimet 2021 jylǵy sáýirde balyq sharýashylyǵyn damytýdyń 2030 jylǵa deıingi baǵdarlamasyn qabyldaǵan. Onyń aıasynda 2030 jylǵa qaraı 270 myń tonna balyq ósirý, ishki tutynýdy jylyna 134 myń tonnaǵa deıin ulǵaıtý jáne balyqtyń tabıǵı popýlásıasyn 7 paıyzǵa arttyrý kózdelip otyr.
«Baǵdarlama sheńberinde qabyldanǵan sharalardyń nátıjesinde saladaǵy bıznestiń iskerlik belsendiliginiń ósýi baıqalady. Máselen 2020 jylmen salystyrǵanda balyq ósirý sharýashylyǵynyń sany 2 ese artyp, 383-ke jetti. Balyq ósirý 9 myń tonnadan 19 myń tonnaǵa deıin ósti», - deıdi QR Ekologıa jáne tabıǵı resýrstar mınıstri Erlan Nysanbaev.