Búginde respýblıka boıynsha 13 myńnan astam qyzylsha juqtyrý deregi tirkeldi.
Bul týraly Sanıtarıalyq-epıdemıologıalyq baqylaý komıteti Vaksınamen basqarylatyn ınfeksıalardy baqylaý basqarmasynyń basshysy Nurshaı Ázimbaeva aıtty. Ol elimizdiń qaı óńirlerinde qyzylsha órship turǵanyn aıtty, dep habarlaıdy Almaty-akshamy.kz.
«100 myń adamǵa shaqqandaǵy juqtyrý kórsetkishi – 66,9%. Kórsetkishterdi salystyryp qarasaq, Shymkentte – 2283 jaǵdaı, Almatyda – 2217 jaǵdaı, Jambyl oblysynda – 1605 jaǵdaı. Aqtóbe oblysynda – 1 myńnan astam jaǵdaı. Mektepke deıingi balalar mekemelerinde 1690 jaǵdaı tirkelgen. Iaǵnı, bul mekemelerde qyzylshamen aýyrý kórsetkishi – 13%», - dedi ol ortalyq komýnıkasıalar qyzmetinde ótken baspasóz konferensıada.
Onyń sózinshe, eldegi 1444 mektepte qyzylsha juqtyrý faktisi tirkelgen. Saldarynan 4836 adam aýyrǵan.
«Qyzylshadan týyndaǵan epıdemıologıalyq jaǵdaıǵa baılanysty balabaqshalar men mektepter karantınge jabylmaıdy. Óıtkeni bul vaksına arqyly basqarylatyn aýrý», - dedi Nurshaı Ázimbaeva.