Qazaqstan Respýblıkasynyń Ázerbaıjan Respýblıkasyndaǵy Elshisi Álim Baıel búgin Aqtaý qalasy mańynda oryn alǵan ushaq apatynan zardap shekkenderdiń tezirek saýyǵyp ketýin tilektestik bildirip, áleýmettik jelidegi paraqshasyna jazdy, dep habarlaıdy aqshamnews.kz
"Aqtaýdaǵy ushaq apaty týraly sýyt habardy tereń kúızelispen qabyl aldym. Qazaqstan Respýblıkasynyń Ázerbaıjan Respýblıkasyndaǵy Elshiliginiń atynan qaza tapqandardyń jaqyndaryna kóńil aıtamyn. Jandary jánnátta bolsyn! Zardap shekkenderdiń tez saýyǵyp ketýin tileımin!
Qazaqstan Prezıdenti Qasym-Jomart Toqaevtyń tapsyrmasymen ushaq apatynyń sebepterin anyqtaý jáne birinshi kezektegi kómekti kórsetý úshin Úkimettik komısıa jumys isteýde. Eki eldiń quzyretti organdary birge barlyq qajetti sharalardy atqarýda. Qazaqstannyń medısınalyq mekemeleri tıisti járdemdi kórsetýde. Aqtaý qalasynyń kóptegen janashyr turǵyndary zardap shekkender úshin qan tapsyrýda. Qazaqstandyqtar Ázerbaıjannyń Elshiligi men Bas konsýldyǵyna gúl shoqtaryn aparýda. Qazaqstannyń Bakýdaǵy Elshiliginde tý tómen túsirildi.
Qazaqstan men Ázerbaıjan bul synaqtan baýyrlastyq pen ózara kómek rýhynda ótetinine senimdimin. Biz birgemiz..."
Qazaqstannyń Ázerbaıjandaǵy Elshisi Álim Baıel