Bul týraly Fight Night Global jetekshisi Kamıl Gadjıev «Itogah nedelı» jobasyna bergen suhbatynda aıtty, dep habarlaıdy aqshamnews.kz.
"Meniń jeke pikirimshe, Balaýsa Muzdıman men Angelına Lýkas arasyndaǵy jekpe-jek ótýi kerek. Men árqaısysyna 50 000 dollar tóleýge daıynmyn (árqaısysyna 25 mıllıon teńge). Áıelder boksy úshin bul óte joǵary gonorar. Balaýsanyń menedjeri kelisimin berdi, endi sóz Angelına Lýkasta. Osy jekpe-jekti uıymdastyraıyq. Maǵan ishki naryqtaǵy qarsylasý unaıdy – olar árqashan úlken qyzyǵýshylyq týdyrady" - dedi lıga basshysy.
Eske sala keteıik, bul eki sportshy ótken jyldyń mamyr aıynda VI jazǵy Spartakıada aıasynda áýesqoı bokstan el chempıonatynda jolyǵyp, Balaýsa Muzdıman 5:0 esebimen jeńiske jetti. Alaıda Angelına Lýkas tóreshilerdiń sheshimimen kelispeı, bul qarsylastar arasyndaǵy úlken janjalǵa sebep boldy.