Óıtkeni bul eldiń baı ýran resýrstary men ıadrolyq zertteýler boıynsha baǵdarlamany damytýdaǵy tájirıbesi mol. Atom energıasy jónindegi halyqaralyq agenttik jobasynyń menedjeri Chıraıý Batra osylaı deıdi.
Sarapshynyń sózinshe, basqa elge qaraǵanda Qazaqstan úshin normatıvtik baza quryp, atom stansalaryn paıdalanýdyń ádis-tásilin ázirleý áldeqaıda jeńil.
Úndistan Chıraıý Batra, AEHA joba menedjeri: - Qazaqstan komersıalyq atom energetıkasy salasyna endi qadam basqanymen, bul Qazaqstan úshin jańalyq emes. Óıtkeni eldiń ýran resýrsy men ıadrolyq zertteýler boıynsha tájirıbesi baı. Bul Qazaqstannyń ulttyq ıadrolyq baǵdarlamany damytýyna neǵurlym tıimdi jaǵdaı jasaıdy.
- Qazir dúnıe júzi úshin atom energetıkasyn damytýdyń mańyzdy kezeńi. Ásirese klımattyq ózgeristerge qatysty máseleler shıelenisken tusta onyń sheshimi retinde turaqty, ekologıalyq taza elektr kózi atom energetıkasyn usynýdyń roli orasan, - deıdi "S&P Global Commodity Insights" korporasıa dırektorynyń orynbasary AQSH Ýılám Frıbern.