Qazaqstanda atom elektr stansıasyn salýdy qoldaý jónindegi halyqtyq shtab ókilderi Mańǵystaýǵa bardy, dep habarlaıdy aqshamnews.kz 24.kz-ke silteme jasap.
Eńbek ujymdary men Senek aýylynyń turǵyndarymen kezdesip, jobanyń artyqshylyqtaryna toqtaldy. Shalǵaı óńirde elektr qýatyna suranys jyldan jylǵa artyp keledi.
Energıanyń jetispeýshiligi aımaqta turǵyn úı-kommýnaldyq ınfraqurylymnyń damýyna, jańa kásiporyndardy qurý jumystaryna keri áser etýde. Máseleni sheshý úshin, Mańǵystaýdy elimizdiń biryńǵaı toq júıesine qosý jumystary júrip jatyr.
- Memleket basshysynyń «Halyq únine qulaq asatyn memleket» konsepsıasy Qazaqstanda jyldan jylǵa óte sapaly iske asyp kele jatyr. Al elimizdiń tarıhynda tuńǵysh ret áleýmettik-qoǵamdyq máseleni referendýmǵa shyǵaryp otyr. Bul, memleket basshysynyń sońǵy bes jyldyqta ustanyp kele jatqan eń negizgi baǵyttardyń biri. Al osy jasalyp jatqan jumystar bul tikeleı Qazaqstanda jańa saıası-qoǵamdyq mádenıet qalyptasyp jatqanynyń birden bir belgisi, dedi QR Parlamenti Májilisiniń depýtaty Elnur Beısenbaev.