Energetıka salasyndaǵy basty máselelerdiń biri – Qazaqstannyń bolashaqta energetıkalyq táýelsizdigin qamtamasyz etý. Osy turǵyda atom elektr stansıasyn (AES) salý elimizdiń turaqty damýy men ekologıalyq qaýipsizdigine jasalǵan mańyzdy qadam.
AES – kóptegen elder úshin bolashaq energıasynyń senimdi kózi bolyp tabylady. Onyń tıimdiligi men ekologıalyq taza bolýy Qazaqstannyń energetıkalyq saıasatynyń mańyzdy bóligi bolýy tıis. Búgingi tańda eldiń ekonomıkasy men ónerkásibi jańa qýat kózderine muqtaj. Atom energetıkasy bul suranysty tolyǵymen qanaǵattandyryp, ekologıalyq taza ári turaqty energıa kózin usyna alady.
"AES salý – Qazaqstannyń damýyna serpin beretin, ekologıalyq taza energıa kózine jol ashatyn strategıalyq sheshim. Bul qadam bizdiń energetıkalyq qaýipsizdigimizdi kúsheıtip qana qoımaı, jańa tehnologıalar men ǵylymdy damytýǵa múmkindik beredi. Elimizge mundaı mańyzdy sheshim qabyldaýǵa ýaqyt keldi", – dep atap ótti depýtat Aıdos Sarym.
Atom energetıkasy – bolashaqtyń energıasy. Bul salada eń zamanaýı tehnologıalardy paıdalaný arqyly biz ózimizdiń ekologıalyq mindetterimizdi de oryndaı alamyz. Qazaqstannyń aldaǵy ýaqytta AES arqyly energetıkalyq qaýipsizdigin nyǵaıtyp, turaqty damýdy qamtamasyz etetinine senimdimin.