QR Qarýly kúshteri Áskerı-teńiz kúshteriniń bes áskerı qyzmetshisi Bahreın Koróldiginiń Manama qalasynda sý asty mınalaryn tazartý boıynsha halyqaralyq kýrstarǵa qatysty.
Parsy shyǵanaǵy akvatorıasynda praktıkalyq súńgý barysynda áskerı qyzmetshiler sý astyndaǵy jarylǵysh zattardy anyqtaý jáne beıtaraptandyrý taktıkasyn pysyqtady.
– Mundaı is-sharalarǵa qatysý ozyq ádistemeler men tehnologıalardy qabyldaýǵa múmkindik beredi. Jaǵalaý aımaqtarynda qaýipsizdikti qamtamasyz etý jónindegi operasıalarǵa daıyndyqty arttyrýǵa jáne seriktes elderdiń áriptesterimen ózara is-qımyldy nyǵaıtýǵa yqpal etedi, – dep túsindirdi kapıtan-leıtenant Jánibek Salyqbaev.
Sondaı-aq, sý asty mınalaryn tazartý boıynsha kýrstar halyqaralyq áskerı yntymaqtastyq aıasynda ótkizilgenin atap ótemiz.