Amerıka Qurama Shtattaryna resmı sapary sheńberinde Qazaqstan Respýblıkasy Premer-mınıstriniń orynbasary – Syrtqy ister mınıstri Murat Nurtileý AQSH Senatynyń Halyqaralyq qatynastar jónindegi komıtetiniń tóraǵasy Djeıms Rıshpen kezdesý ótkizdi.
Taraptar ekijaqty yntymaqtastyqtyń qazirgi jaı-kúıi men keleshegin talqylap, ekonomıkalyq baılanystardy nyǵaıtýǵa jáne AQSH Ákimshiliginiń basym baǵyttaryna sáıkes saıası dıalogty damytýǵa erekshe nazar aýdardy, dep habarlaıdy aqshamnews.kz.
QR syrtqy saıası vedomstvosynyń basshysy Qazaqstan men AQSH arasyndaǵy qarym-qatynastardyń strategıalyq mańyzyn atap ótip, parlamentaralyq baılanystardy jandandyrý qajettiligin aıqyndady.
Senator Dj.Rısh Qazaqstannyń salmaqty ári syndarly syrtqy saıası baǵytyn joǵary baǵalap, AQSH Kongresiniń iskerlik baılanystardy keńeıtýge qolaıly zańnamalyq negiz qalyptastyrýdaǵy, onyń ishinde Qazaqstanmen turaqty qalypty saýda qatynastaryn ornatý arqyly qoldaý kórsetýiniń mańyzdylyǵyn atap ótti.
Suhbattastar elder arasyndaǵy yntymaqtastyqtyń artyp kele jatqan serpinin oń baǵalap, saýda-ekonomıkalyq ózara is-qımyldy tereńdetýge baǵyttalǵan bastamalarǵa qoldaý kórsetýdi jalǵastyrýǵa kelisti.
Kezdesý sońynda QR SİM basshysy AQSH senatoryn Qazaqstanǵa resmı saparmen kelip, ekijaqty yntymaqtastyqtyń perspektıvalaryn naqty talqylaýǵa shaqyrdy.
Sonymen qatar M.Nurtileý QR-AQSH kokýsynyń teń tóraǵasy, kongresmen Robert Aderholtpen jáne AQSH Ókilder palatasynyń Kiris jáne salyq komıtetiniń Saýda jónindegi kishi komıtetiniń múshesi Kerol Mıllermen kezdesti. Kelissózder barysynda amerıkalyq zań shyǵarýshylar Djekson-Venık túzetýiniń Qazaqstanǵa qatysty kúshin joıýǵa járdemdesýge nıetti ekenine sendirdi.