Bul joba aldaǵy ýaqytta mektep sporty aıasyndaǵy mańyzdy sharalardyń birine aınalady.
Jeńimpazdarǵa taǵaıyndalǵan júlde qory – 500 myń teńge, dep habarlaıdy Almaty-akshamy.kz
Bıyl elimizde alǵash ret Oqý-aǵartý mınıstrliginiń qoldaýymen shahmattan respýblıkalyq olımpıada ótedi.
Ulttyq ǵylymı-praktıkalyq dene tárbıesi ortalyǵynyń basshysy Saǵdat Sadyqovtyń aıtýynsha, olımpıadaǵa el boıynsha qala, aýdan, oblystyq irikteý kezeńderinen ótken 2-11 synyp aralyǵyndaǵy 100-ge jýyq oqýshy qatysady.
Respýblıkalyq kezeń 1-5 sáýir aralyǵynda Astanada ótedi. Olımpıada Halyqaralyq shahmat federasıasynyń erejeleri boıynsha rapıdtik (komandalyq) formatta ótedi. Jeńimpazdarǵa taǵaıyndalǵan júlde qory – 500 myń teńge.
«Memleket basshysynyń qoldaýymen «Mekteptegi shahmat» jobasy júzege asyryldy. Shahmat qozǵalysyn odan ári qoldaý maqsatynda bıyl oqýshylar arasynda arnaıy olımpıada bastaldy. Mektepishilik kezeńde 319 myńnan asa oqýshy qatysyp, úzdikter elordada baq synaıdy. Jeńimpazdar men júldegerler medaldarmen, kýboktarmen jáne dıplomdarmen marapattalady», – dedi Saǵdat Sadyqov.