«Qoljetimdi polısıa» qaǵıdasyn iske asyrý jolǵa qoıylǵan.
Jańa ýchaskelik polısıa pýnktteriniń ornalasqan jerin Almaty qalalyq PD-da jarıalady, dep habarlaıdy Almaty-akshamy.kz Polisia.kz-ke silteme jasap.
Almaty polısıasy bastyǵynyń aıtýynsha, qala ákimdiginiń qoldaýymen turǵyn úı alaptarynyń keńeıýine, qala aýmaǵynyń ulǵaıýyna jáne halyq sanynyń artýyna baılanysty, halyqaralyq standarttardyń barlyq talaptaryna jaýap beretin ýchaskelik polısıa pýnktteriniń zamanaýı 10 jańa ǵımaratyn salý josparlanyp otyr.
«Áleýmettik jaýapkershilik aıasynda búgin biz qurylys kompanıasymen aýyzsha kelisimge keldik, ol salynyp jatqan turǵyn úı keshenderinen aýdany shamamen 30-40 sharshy metrdi quraıtyn úı-jaılardy beretin bolady. Úı salýshy “taza” árleýdi jáne ǵımaratty qajetti jıhazben jabdyqtaýdy óz moınyna alady. Aýlalar men kireberisterdegi, sondaı-aq irgeles aýmaqtaǵy barlyq kameralar osy polısıa pýnkterine shyǵarylatyn bolady. Bul ǵımarattar polısıaǵa ýaqytsha paıdalanýǵa beriledi. Ýchaskelik polısıa pýnktteriniń ashylýy osy turǵyn úı keshenderiniń turǵyndaryn qajetti ýchaskelik polısıa ınspektorlarymen qamtamasyz etýge múmkindik beredi. Sonymen qatar biz osy TÚ turǵyndarynyń arasynan “halyq jasaǵy” ınstıtýtyn jandandyrǵymyz keledi», – dedi Arystanǵanı Zapparov.
Bul sharalar birinshi kezekte polısıanyń quqyq buzýshylyq derekterine jedel den qoıýyna jáne qoǵamdyq qaýipsizdikti qamtamasyz etýge, sondaı-aq “Qoljetimdi polısıa” qaǵıdasyn iske asyrýǵa baǵyttalǵan.
Anyqtama úshin: “Teremkı” TÚ kesheninde, “City Plus” TÚ kesheninde, “Alma City 5” TÚ kesheninde jáne “City Park” TÚ kesheninde jańa ýchaskelik polısıa pýnktteri paıda bolady.