Prezıdent komısıa qyzmetine jeke baqylaýdy júzege asyrýǵa nıetti.
Qazaqstan Prezıdentiniń ekonomıkalyq resýrstardy zańsyz shoǵyrlandyrýǵa qarsy is-qımyl máseleleri jónindegi vedomstvoaralyq komısıa qurý týraly Jarlyǵynyń tolyq mátini jarıalandy, dep habarlaıdy Almaty-akshamy.kz Egemen.kz silteme jasap.
Prezıdent elden zańsyz shyǵarylǵan qarajatty Qazaqstanǵa qaıtarý, sondaı-aq zańsyz jolmen alynǵan ekonomıkalyq resýrstardyń monopolıalyq shoǵyrlanýyn anyqtaý, olardy memleketke qaıtarý maqsatynda vedomstvoaralyq komısıa qurýǵa qaýly etti.
Komısıa quramy kelesideı bekitildi:
- Bas prokýror, Tóraǵa;
- Bas prokýrordyń orynbasary, tóraǵanyń orynbasary;
- Ulttyq bank tóraǵasy;
- Premer-Mınıstrdiń orynbasary - Syrtqy ister mınıstri;
- Premer-Mınıstrdiń orynbasary - Qarjy mınıstri;
- «Samuryq-Qazyna» UÁQ» AQ Basqarma tóraǵasy;
- Ulttyq qaýipsizdik komıtetiniń tóraǵasy;
- Básekelestikti qorǵaý jáne damytý agenttiginiń tóraǵasy;
- Qarjy naryǵyn retteý jáne damytý agenttiginiń tóraǵasy;
- Qarjy monıtorıńi agenttiginiń tóraǵasy;
- Sybaılas jemqorlyqqa qarsy is-qımyl agenttiginiń tóraǵasy;
- İshki ister mınıstri;
- Ádilet mınıstri.
Vedomstvoaralyq komısıaǵa bir apta merzimde vedomstvoaralyq komısıa týraly erejeniń jobasyn Prezıdenttiń qaraýyna engizý tapsyryldy.
Budan basqa, komısıa eki aptada bir ret óz jumysy týraly esep beredi. Jarlyqtyń oryndalýyn baqylaý Prezıdent Ákimshiligine júktelgen. Jarlyq qol qoıylǵan kúninen bastap qoldanysqa engizildi.
Aıta ketsek, 5 maýsymda Memleket basshysy Qasym-Jomart Toqaev Qazaqstan azamattarynyń shetelge zańsyz áketilgen qarajatty qaıtarý jóninde komısıa qurǵany habarlandy. Prezıdent komısıa qyzmetine jeke baqylaýdy júzege asyrýǵa nıetti.