Bul týraly 31 qazanda atap ótiletin Dúnıejúzilik jınaq kúni qarsańynda «Otbasy banki» Almaty qalalyq fılıalynyń dırektory Danagúl Túsipova ÓKQ alańynda aıtty, dep habarlaıdy almaty-akshamy.kz
«20 jyl boıy biz qazaqstandyqtarǵa únemdeýdi úıretip kelemiz. Jınaqtaý múmkindigi 480 myńnan astam qazaqstandyq otbasyna turǵyn úı máselesin sheshýge kómektesti. Óz qarajattaryńyzdy durys jumsaýdy jáne jınaýdy úırený kerek. «Otbasy bankinde» osyndaı múmkindik bar, óıtkeni jınaq shottaryn asha otyryp, olardan aqshany qalaǵan kezde alýǵa bolmaıdy. Biz jylyna bir ret qana ishinara alýǵa múmkindik beremiz, - dep túsindirdi Otbasy bankiniń Almaty qalalyq fılıalynyń dırektory Danagúl Túsipova.
Bul rette depozıtterdiń merzimderi shartty, jyl saıyn jınaqtalǵan somaǵa memleket syılyqaqysy esepteledi.
«Memleket salymshylardy 29 jeltoqsandaǵy jaǵdaı boıynsha kótermeleıdi. Klıentter shottaryn qansha aqsha jınaǵanyn tekserýi kerek. Eger bir jyl ishinde klıent keminde 690 myń teńge jınaǵan bolsa, oǵan eń joǵary syılyqaqy beriledi. Eger klıent budan áldeqaıda kóp soma jınaǵan bolsa, onda otbasy múshelerine shot ashýdy usynamyz. Bul jaǵdaıda Siz memlekettik syılyqty kóbirek ala alasyz. Al syılyqaqy túskennen keıin nemese nesıeleý aldynda depozıtterdi biriktirińiz», - dep jalǵastyrdy D.Túsipova.
Baspasóz máslıhatyn tek jýrnalıser ǵana emes, Almaty turǵyndary da kórdi. Kelip túsken suraqtardyń biri qart adamdarǵa nesıe berý týraly boldy.
«64 jastaǵy zeınetker Otbasy banki arqyly ıpoteka ala ala ma? Bastapqy jarna 14 mln teńge bolǵan jaǵdaıda», - dep surady áleýmettik jelilerde.
Danagúl Túsipova «Otbasy Banki» 65 jasqa tolmaǵan klıentterge nesıe beretinin túsindirdi.
«Osy jaǵdaıdaǵydaı 64-te bolyp, jasy boıynsha shekteý bolsa, onda jas qosalqy qaryz alýshylardy tarta otyryp, kredıt alýǵa ótinish berýge bolady. Sodan keıin nesıeleý merzimi 70 jylǵa deıin uzartylady. Bul jasaý múmkindigi bar», - dep túsindirdi spıker.