Týrızm kórsetkishteri anaǵurlym ósken.
Qazaqstanǵa saıahattap kelýshiler sany artyp otyr, dep habarlaıdy Almaty-akshamy.
«Ótken jyldyń birinshi toqsanymen salystyrǵanda 2022 jylǵy birinshi toqsanda týrızm kórsetkishteri anaǵurlym ósken. Shetelge shyǵyp demalǵandardyń sany 845,2 myń adamdy qurady, bul byltyrǵy kórsetkishten 60,1% artyq. Elimizge týrısik maqsatta kelgenderdiń sany 293,2 myń adamdy qurady, bul kórsetkish byltyrǵa qaraǵanda 34,3% kóp», – dep jazylǵan Ulttyq statısıka búrosynyń habarlamasynda.
İshki týrızm boıynsha da jaǵymdy dınamıka baıqalǵan. Demalys oryndaryna ornalastyrylǵandar sany 1 131,9 myń adam, byltyrǵy kezeńmen salystyrsaq, ósim 21,6% qurap otyr.
«Kelýshilerdi ornalastyrýmen aınalysatyn obektiler sany 3 756 birlikti qurady, ondaǵy bólmeler sany 80 983. Olar 1 229 myń adamǵa 26270,2 mln teńge somasyna qyzmet kórsken. Ornalastyrý oryndarynyń kórsetken qyzmet kólemi (meıramhanalarda kórsetiletin qyzmetterin qospaǵanda) ótken jyldyń sáıkes kezeńimen salystyrǵanda 25,7%-ǵa artty», – dep habarlady búro.