Memleket basshysy Qasym-Jomart Toqaev Qazaqstan halqyna úndeý jasady. Ózderińiz biletindeı, azamattardyń kópshiligi Konstıtýsıaǵa engizilgen túzetýlerdi qoldady.
Prezıdent halyqtyń jáne qoǵamdyq uıymdardyń belsendi jumysy men qoldaýy úshin rızashylyǵyn bildirdi. Aıta ketý kerek, AMANAT partıasy túzetýlerdi túsindirý boıynsha Almaty qalasynyń barlyq tirshilik salasynyń mekemelerin qamtydy. Qalalyq shtab pen depýtattar kún saıyn halyqpen jáne eńbek ujymdarymen kezdesýler ótkizdi.
Úndeýde sondaı-aq búkil eldi jańǵyrtý jáne búrokratıasyzdandyrý týraly aıtyldy. Prezıdent Qazaqstan halqyna jáne onyń muqtajdyqtaryna nazar aýdaryp, azamattardyń aldaǵy ózgeristerden paıdasyn sezinýin jáne qazir elimizde bolyp jatqan barlyq jaǵdaıdy urandar men ádemi sózder úshin emes, birge jańa Qazaqstandy qurý úshin mańyzdy dep sanaıdy!
Biz bir shańyraqtyń astynda ómir súrip jatyrmyz jáne bizdi bir ǵana maqsattar biriktiredi, olar - beıbit aspan, azamattardyń ál-aýqaty, ómir súrý deńgeıin arttyrý, medısına, bilim jáne bizdiń balalarymyz úshin laıyqty ómir.
Engiziletin reformalar men olardyń nátıjeleri bizdiń memlekettiligimizdiń tarıhynda jańa bet ashady dep senemin!