Nysan Jambyl oblysyndaǵy Mırnyı aýylyna jaqyn ornalasatyn bolady.
Qazaqstanda jalpy qýaty 1 GVt bolatyn jel elektr stansıasy salynady, dep habarlaıdy Almaty-akshamy.kz Almaty.tv silteme jasap.
9 maýsymda QR Energetıka mınıstrligi, «Samuryq-Qazyna» AQ, «QazMunaıGaz» UK AQ jáne «TotalEnergies» KT qýaty 1 GVt JEK iri aýqymdy jobasyn iske asyrýǵa baǵyttalǵan Qaǵıdattar týraly kelisim jasasty.
Obekt Jambyl oblysyndaǵy Mırnyı aýylyna jaqyn ornalasatyn bolady. Jobanyń qurylysyn kezeń-kezeńmen júrgizý josparlanǵan. Joba 2024 jyldan bastap 2026 jyldy qosa alǵan kezeńde tolyq aıaqtalady dep kútilýde.
Atalǵan jobany iske asyrý Qazaqstannyń «jasyl» ekonomıkaǵa kóshý tujyrymdamasymen bekitilgen nysanaly ındıkatorlarǵa qol jetkizýge, qosymsha ınvestısıalar tartýǵa, jańa jumys oryndaryn qurýǵa, sondaı-aq «jasyl» elektr energıasyn generasıalaýdy ulǵaıtýǵa múmkindik beredi.
Jalpy qýaty 1 GVt jel elektr stansıalaryn damytýǵa, qarjylandyrýǵa, salýǵa jáne paıdalanýǵa baǵyttalǵan qujatqa qol qoıýǵa QR Energetıka mınıstri Bolat Aqsholaqov, «Samuryq-Qazyna» AQ Basqarma tóraǵasy Almasadam Satqalıev, «QazMunaıGaz» UK AQ Basqarma tóraǵasy Maǵzum Myrzaǵalıev, Azıada bıznesti damytý boıynsha «Total Eren S.A.» vıse-prezıdenti Antýan Gare, Qazaqstandaǵy «TotalEnergies» Bas dırektory Ahlem Frıga-Noı qatysty.