Investısıalardyń jalpy kólemi $28 mlrd-ty qurady
2022 jyldyń qorytyndysy boıynsha Qazaqstanǵa tartylǵan tikeleı sheteldik ınvestısıalardyń jalpy kólemi $28 mlrd-ty qurady, bul 2021 jylǵy kórsetkishten 17,7%-ǵa artyq ($23,8 mlrd). Sondaı-aq bul sońǵy 10 jyldaǵy rekordtyq kórsetkish – 2012 jyly tikeleı sheteldik ınvestısıalar kólemi $28,9 mlrd bolǵan, dep habarlady Almaty-akshamy.kz.
Osylaısha, Úkimet pen óńirler ákimdikteri jumysynyń arqasynda ótken jyly QR Investısıalyq saıasaty tujyrymdamasynyń 2026 jylǵa deıingi aralyq nysanaly ındıkatorlary 14,3%-ǵa asyra oryndaldy (jospar – $24 mlrd).
Respýblıkaǵa tartylǵan ınvestısıalar kólemi boıynsha kósh bastap turǵan elder: Nıderlandy – $8,33 mlrd (ósim – 19,7%), AQSH – $5,1 mlrd (+81,9%), Shveısarıa – $2,8 mlrd (+2,4%), Belgıa – $1,56 mlrd (+46%), Reseı – $1,52 mlrd (-19,7%), Ońtústik Koreıa – $1,48 mlrd (+84,8%), Qytaı – $1,43 mlrd (-22,5%), Fransıa – $770,2 mln (+27,4%), Ulybrıtanıa – $661 mln (-35,7%) jáne Germanıa – $469,5 mln (+45,4%).
Investısıalar eń kóp tartylǵan salalar: taý-ken ónerkásibi – $12,1 mlrd (+25%), óńdeý ónerkásibi – $5,6 mlrd (+3%), kóterme jáne bólshek saýda – $5,08 mlrd (+36%), kásibı, ǵylymı jáne tehnıkalyq qyzmet – $1,1 mlrd (ósim – 2,1 ese), kólik jáne qoımalaý – $1,1 mlrd (+14%), qurylys – $698 mln (-3%), qarjylyq jáne saqtandyrý qyzmeti – $650 mln (-60%), elektrmen jabdyqtaý jáne gaz berý – $635,6 mln (ósim – 2,8 ese) jáne t.b.
Óńirler arasynda sheteldik kapıtaldy tartýda asa belsendilik tanytyp otyrǵan óńirler: Atyraý oblysy – $8,2 mlrd (+48%), Almaty – $7,57 mlrd (+11%), Astana – $2,25 mlrd (ósim – 2 ese), SHQO – $2,2 mlrd (+3%), BQO – $1,12 mlrd (+7%), Almaty oblysy – $698,2 mln (+47%), Aqmola oblysy – $376,3 mln (ósim – 6,3 ese), Qyzylorda oblysy – $336,5 mln (+36%), SQO – $105,7 mln (ósim – 3 ese) jáne Jambyl oblysy – $62 mln (ósim – 3 ese).