Polısıa departamenti bank kartalarynyń derekterin saıttarǵa engizý qaýipti ekenin eske salady
Aqtóbelik áleýmettik jelidegi jarnamaǵa aldanyp, bar jınaǵynan aıyryldy. Tipti beıtanys adam nesıe rásimdep jibergen, dep habarlaıdy Almaty-akshamy.kz QazAqparatqa silteme jasap.
Aqtóbe qalasynyń polısıa basqarmasyna qala turǵyny aryz túsirdi.
Ol munaı kompanıasynyń aksıasyn satý týraly jarnamany kórip, silteme arqyly ózi týraly derekterdi qaldyrǵan.
Keıin beıtanys adam baılanysqa shyqty.
Beıtanys adam onyń derekterin alǵan jáne bankterdiń biriniń qosymshasy arqyly jınaq depozıtindegi bar qarjyny ıemdengen. Tipti nesıe rásimdegen. Shyǵyn 16 mıllıon teńgeden asty.
«Osy oqıǵaǵa qatysty Qylmystyq kodekstiń «alaıaqtyq» baby boıynsha qylmystyq is qozǵaldy. Aqtóbe oblysy polısıa departamenti bank kartalarynyń derekterin saıttarǵa engizý qaýipti ekenin eske salady. Aqshany krıptovalútaǵa, aksıalarǵa, baǵaly metaldarǵa jáne t.b. ınvestısıalaý arqyly úlken dıvıdend ýáde beretin kúmándi jobalarǵa aqsha salýǵa bolmaıdy. Eger osy joldy tańdasańyz, sholý júrgizip, pikirlerdi oqyp shyǵyńyz»,- deıdi Aqtóbe oblystyq polısıa departamenti baspasóz qyzmetiniń jetekshisi Erbolat Sarqulov.