Mamandar qandaı salyq tólenýi keriktigin aıtty.
Jyl basynan beri ǵalamtorda qyzmet kórsetetin sheteldik kompanıalar, sondaı-aq ınternet arqyly jeke tulǵalarǵa taýarlardy satatyn sheteldik saýda alańdary qosylǵan qun salyǵyn nemese GOOGLE salyǵyn tóleýi kerek, dep habarlaıdy Almaty-akshamy.kz Egemen.kz silteme jasap.
Vedomstvo habarlaǵandaı, búginde GOOGLE salyǵyn tóleıtin sheteldik kompanıa úshin tirkeý talaptary jeńildetilgen. Máselen, tirkeý esebine turý úshin sheteldik kompanıa QR QM Memlekettik kirister komıtetine hat jiberse jetkilikti. Sol arqyly olar shartty tirkeýden ótedi.
Osylaısha, jyl basynan beri 37 sheteldik kompanıa, sonyń ishinde Apple, Meta, Google, Ebay, Amazon sıaqty basqa da iri álemdik kompanıalar shartty tirkeýden ótti. 2022 jyldyń basynan bastap atalǵan kompanıalar 6,1 mlrd teńge somasyna salyq tóledi.
Eń iri salyq somalaryn Irlandıanyń rezıdentteri «Meta Platforms Ireland Limited» (1,6 mlrd teńge) jáne «Apple Distribution International Limited » (1,1 mlrd teńge), sondaı-aq AQSH rezıdenti «OOO iHerb» (1,4 mlrd teńge) tólegen.
«Salyq deklarasıasyn tapsyrýdyń qajeti joq, aıyppuldar men salyqtyq ákimshilendirýdiń basqa da kúrdeli tetikteri joq ekenin atap ótken jón. Munyń bári taýarlarmen elektrondy saýdany júzege asyratyn nemese qazaqstandyq satyp alýshynyń atyna elektrondyq qyzmetter kórsetetin sheteldik kompanıa úshin Qazaqstan Respýblıkasyndaǵy salyq mindettemeleriniń oryndalýyn ońaılatý maqsatynda jasaldy», - delingen MKK aqparatynda.