Resmı saparmen qazan aıynyń ortasynda kelýi múmkin.
Reseı Prezıdenti Vladımır Pýtın Azıadaǵy ózara is-qımyl jáne senim sharalary keńesine qatysý úshin Qazaqstanǵa keledi. Bul týraly QR Syrtqy ister mınıstri Muhtar Tileýberdi aıtty, dep habarlaıdy Almaty-akshamy.kz QazAqparatqa silteme jasap.
«Reseı Prezıdenti Azıadaǵy ózara is-qımyl jáne senim sharalary keńesine qatysý úshin Qazaqstanǵa keledi. Sonymen qatar Táýelsiz Memleketter dostastyǵy memleket basshylarynyń keńesin ótkizý josparlanǵan. Biz Reseı Prezıdenti qatysady dep kútemiz. Ol qazan aıynyń ortasynda bolady. Resmı rastaýyn kútip otyrmyz. Memleket basshysynyń árbir saparynda ekijaqty kezdesý ótkiziledi», - dedi Muhtar Tileýberdi elordada ótip jatqan Álemdik jáne dástúrli dinder lıderleriniń VII sezi aıasynda BAQ ókilderiniń saýalyna oraı.
Sonymen qatar ol Qazaqstan qaıtalama sanksıaǵa tap bolmaıtyndyǵyn atap ótti.
«Bizde antıreseılik sanksıanyń teris yqpalyn, onyń ishinde qaıtalama sanksıany ekonomıkamyzǵa jibermeý jónindegi úkimettik jumys toby qurylǵan. Jumys toby jemisti jumys istep, eýropalyq komısıamen, AQSH ákimshiligimen turaqty konsýltasıa júrgizedi», - dedi ol.