El Prezıdenti Qasym-Jomart Toqaevtyń Qazaqstan halqyna Joldaýy el kóńiline qonymdy ári jaǵymdy jańalyqtarǵa toly boldy. Sonyń ishindegi eń erekshe reformalarynyń biri − ulttyq qordan óskeleń urpaqqa kámelet jasyna tolǵanǵa deıin bólinetin qarjylyq úlesi jaıynda. «El bolamyn deseń, besigińdi túze» degen qanatty sózdi bolashaq jastardyń qolynda ekenin, olarǵa jasaǵan tárbıelik jáne qarjylyq ınvestısıanyń bekerge ketpeıtinin atalarymyz bilip aıtsa kerek.
Olaı bolsa, búgingi jańa reforma onyń jarqyn dáleli ispettes. Balalarǵa jaǵdaı jasaý, olarǵa kómek qolyn sozý, qoldaý úlkenderdiń mindeti, paryzy. Jastaıynan qoldaý kórip ósken bala «Uıada ne kórseń, ushqanda sony alarsyń» degendeı, bolashaqta eline janashyr, qamqor bolatyny sózsiz.
Bul reforma − Jańa Qazaqstandy qurýdaǵy alǵysharttardyń biri. El Prezıdentiniń bul kóregendiligi qoldaýǵa turarlyq quptarlyq is. Mundaı isterde Jańa Qazaqstandaǵy jurt jaǵdaıyn jaqsartatyn jaqsy reformalardyń oryndalýy men júzege asýy qadaǵalanýy tıis.
Jańa Qazaqstandy qurý balalardan bastaý alǵany kóńil qýantyp qana qoımaı, bolashaqqa degen senimniń qaıta jandanýyna úles qosty. Endeshe, osyndaı ıgi isterge uıytqy bolyp otyrǵan Prezıdentimizdiń jańa bastamalaryn qoldaı otyryp, ári qaraı da jańa reformalar kútetinimizdi aıtqymyz keledi.