2024 jyly Qazaqstanǵa 15,9 myń tonna kıim ákelinip, onyń quny 2,2 mıllıard AQSH dollaryn qurady. Bul ótken jylmen salystyrǵanda kólemi boıynsha 13%-ǵa, al aqsha turǵysynan 36,6%-ǵa tómendegen. Alaıda, ımport kóleminiń qysqarǵanyna qaramastan, baǵa óskeni toqtar emes, dep habarlaıdy aqshamnews.kz.
TMD elderinen 49,8 myń tonna kıim ımporttaldy, bul 2023 jylmen salystyrǵanda 21,7%-ǵa artyq. Eń iri jetkizýshiler qatarynda Reseı (28,7 myń tonna), Ózbekstan (28,7 myń tonna), Belarýs (20,1 myń tonna), Qyrǵyzstan (694,4 tonna) jáne Tájikstan (105,3 tonna) bar.
TMD elderinen tys jerlerden ákelingen kıim ımporty 23%-ǵa qysqaryp, 109,9 myń tonnany qurady. Negizgi jetkizýshiler — Qytaı (85,5 myń tonna), Túrkıa (15,3 myń tonna) jáne Bangladesh (4,7 myń tonna).
Baǵalarǵa qatysty, 2025 jyldyń qańtar aıynda Qazaqstandaǵy syrt kıim baǵasy 2024 jyldyń qańtarymen salystyrǵanda 10%-ǵa ósti. Baǵanyń eń kóp ósýi Túrkistan (19,1%), Shyǵys Qazaqstan (15,6%) jáne Abaı (13,8%) oblystarynda baıqaldy. Pavlodar jáne Jambyl oblystarynda eń tómengi jyldyq baǵa ósýi tirkelip, árqaısysynda 5,4%-dy qurady.
Erler kıimi orta eseppen 9,9%-ǵa, áıelder kıimi 10,3%-ǵa, balalar kıimi 9,7%-ǵa qymbattady.