Týrıser sanyn arttyrý úshin Qazaqstanǵa kirýde vıza talap etilmeıtin elder sanyn 100-ge deıin ulǵaıtý oryndy.
Mundaı usynysty Ortalyq komýnıkasıalar qyzmetinde ótken brıfıńte Týrızm ındýstrıasy komıtetiniń tóraǵasy Dastan Ryspekov aıtty, dep habarlaıdy Almaty-akshamy.kz QazAqparatqa silteme jasap.
«Bıyl 74 eldiń azamattary úshin Qazaqstanǵa vızasyz kelý rejımi qalpyna keltirildi. Úndistan, Qytaı jáne Iran azamattary úshin qosymsha vızasyz rejım engizildi. 28 elmen 113 baǵyt boıynsha halyqaralyq áýe qatynasy qalpyna keltirildi. Týrıser sanyn arttyrý maqsatynda Qazaqstanǵa kirý úshin vıza talap etilmeıtin elder sanyn 100-ge deıin ulǵaıtýdy oryndy dep esepteımiz», - dep atap ótti komıtet tóraǵasy.
Budan bólek, Dastan Ryspekov 5 halyqaralyq baǵyt boıynsha áýereısterdiń sany artatynyn málimdedi. Atap aıtqanda, Reseıge 8, Mońǵolıaǵa 2, Qytaıǵa 10, Úndistanǵa 4 jáne Fransıaǵa 2 qosymsha reıster ashylmaq.