Jahan jurty damýdyń jańa jolyn izdep, tyń tájirıbelerge bet burýda. Osyndaı almaǵaıyp kezeńde eldiktiń eńsesin tikteý Qasym-Jomart Toqaevtyń baǵyna buıyryp, Memleket basshysy perzenttik paryzyn, azamattyq mindetin meılinshe adal oryndap júrgenin kórip, bilip júrmyz.
Halyqqa joldaǵan ár Joldaýynda qoǵamdaǵy qadaý-qadaý máselelerdi sheshýdiń jolyn kórsetip, saıası reformalardyń negizgi baǵytyn baıyptaıtyn. Qyrkúıek aıyndaǵy Joldaýynyń júgi tipti aýyr boldy. Óıtkeni bastaǵan saıası reformalaryn sońyna jetkizýde prezıdenttik saılaý ótkizip, odan keıin Májilis jáne máslıhat depýtattaryn saıası dodaǵa túsirip, sosyn úkimetti jańadan jasaqtaıtynyn málimdedi.
Jaqynda Prezıdent elge arnaıy úndeý jasap, kezekten tys saılaý 20 qarashada ótetini týraly Jarlyqqa qol qoıdy. Bul saılaý elimizdiń búkil saıası júıesin qaıta jańǵyrtýǵa dem berip, memlekettik ınstıtýttardyń jumys isteýine qarqyn beredi dep oılaımyn.
Memlekettik saıası júıe ekpini eselene túsip, boıyna qan júgireri sózsiz. Júrgizilgen Konstıtýsıalyq reforma arqyly biz tuǵyry bıik saıası modeldiń el ıgiligi jolyndaǵy maqsattarymyzdy aıqyndap aldyq.
Saılaý – saıası baǵytymyzdy nyǵaıtýǵa jáne memlekettik júıeni tolyǵymen jańartyp, qaıta iske qosýyna jol ashady dep esepteımin.