Májilistiń jalpy otyrysynda palata tóraǵasy Erlan Qoshanov Úkimet músheleriniń otyrystaǵy jaýaptaryna qanaǵattanbaıtynyn aıtty.
Májilis tóraǵasy vedomstvo ókilderi tek qaǵazda kórsetilgen anyqtamalardy oqýmen ǵana shekteletinine shúılikti, dep habarlaıdy Almaty-akshamy.kz.
«Men keıbir mınıstrlik ókilderine eskertpe jasaıyn dep edim. Plenarlyq otyrysqa daıyndalyp kelý kerek. Qol astyńyzdaǵy adamdardyń jazyp bergen anyqtamasyn bul jerde oqý qajet emes. Bul suraqtardyń barlyǵy jumys tobynyń jáne komıtettiń otyrysynda talqylandy. Al bul jerge kelgende, sizder ony bes saýsaqtaı bilip turýlaryńyz kerek. Men Úkimettiń ókiline de osy eskertýdi aıtamyn, Premer-Mınıstrge jetkizińiz. Eger de osy jerde mınıstrliktiń ókilderi daıyn bolmasa, oryndaryna basqa adamdar kelsin», - dep eskertý jasady Májilis tóraǵasy.