Kelýshilerden ketýshiler kóp.
QR İshki ister mınıstri Marat Ahmetjanov Úkimet otyrysynan keıin BAQ ókilderine elge kirip jatqan reseılikterden shyǵyp jatqandar kóp ekenin aıtty, dep habarlaıdy Almaty-akshamy.kz QazAqparatqa silteme jasap.
«Naqty qansha adam elge kirgenin aıta almaımyn. Biraz azamattar keldi. Qazir burynǵy qalypqa keldik. Reseıden kelip jatqan azamattardyń sany shyǵyp jatqandardan az. Táýligine Reseıden 8000-9000 myń adam keledi, al 10 000 – 11 000 adam shyǵyp otyr. Osylaısha, burynǵy normaǵa qaıta endik», - dedi ol.
Sondaı-aq, mınıstr keıingi kúnderi Qazaqstan aýmaǵynan shyǵarylǵan reseılikterdiń naqty sanyn bilmeıtinin aıtty
«Deportasıalanǵandar bar. Biraq onyń naqty sanyn aıta almaımyn. Biraq bul kúndelikti jumys qoı. Deportasıalanǵandardyń bári birdeı Reseı azamattary emes. Kóshi-qon zańnamasyn buzǵandardyń bári zań aıasynda, sot sheshimimen el aýmaǵynan shyǵarylady», - dedi Marat Ahmetjanov.