Ushaq bortynda temeki shekken qyzdarǵa aıyppul salyndy.
Áýe kemesiniń bortynda temeki shekkeni úshin Astana qalasynyń 20 jastaǵy turǵyny akt boıynsha Sharm-El-SHeıh – Astana baǵytyndaǵy áýe reısinen túsirilip, kólik polıseılerine berildi. Jas qyz QR ÁQBtK-niń 441-babynyń 1-2-bóligi boıynsha ákimshilik jaýapkershilikke tartylyp, 50 aılyq eseptik kórsetkish kóleminde aıyppul salyndy (153 150 tg), dep habarlaıdy Almaty-akshamy.kz.
Dál osyndaı quqyqbuzýshylyq jasaǵany úshin taǵy bir jolaýshy qyz, Oral qalasynyń turǵyny, Oral – Almaty baǵytyndaǵy áýe reısinen túsirildi.
Aıta keteıik, osy jyldyń basynan beri elimizdiń kólik polıseıleri túrli ákimshilik quqyqbuzýshylyqtar jasaǵany úshin áýe reısinen 379 azamatty túsirdi, onyń ishinde áýe kemesiniń bortynda temeki ónimderin tutynǵany úshin 106, alkogóldik ishimdikter ishkeni nemese qoǵamdyq oryndarda mas kúıinde bolǵany úshin 204 adam jaýapqa tartylǵan.