Qyzanaq Túrkimenstan, Ózbekstan jáne Iran elderinen jetkizilgen.
Túrkistan oblysynda shetten jetkizilgen 43 tonna qyzanaqtan vırýs anyqtaldy, -dep habarlaıdy Almaty-akshamy.kz qazaqstan.tv telearnasyna silteme jasap.
Ónim Saryaǵashtaǵy shekara beketinde tekserilgen. Fıtosanıtarıalyq baqylaý ınspektorlary tomat ónimderinen «qyzanaq jemisiniń qońyr qatparly vırýsy» men «qyzanaqtyń qola tústes tospo vırýstaryn» tapqan.
«Ósimdikter karantıni zań talaptaryna sáıkes, júk ıelerine ákimshilik is sharalar qaralyp, keri qaıtaryldy. Jalpy bul aýrýlar Respýblıka aýmaǵyna enetin bolsa, qyzanaq, táti burysh, baıaldy ónimderimen aınalysatyn kásipker fermerlerdiń jylyjaılaryna jáne ashyq alqapta ósirilgen ónimderge 50-70 paıyzǵa deıin eleýli zıan keltiredi», deıdi oblystyq aýmaqtyq ınspeksıasynyń basshysy Ibragım Begasılov.
Inspektorlardyń sózinshe, tomat ónimderiniń mundaı qaýipti vırýsy sońǵy úsh jylda Eýropa, Azıa men Amerıkada taraǵan.
Sonymen qatar Iran, Ózbekstan, Túrkimenstan elderinde de anyqtalyp otyr. Osyndaı karantındik aýrýlardyń engizilýi men ónimdi zıankesterden qorǵaý maqsatynda tekserister jiti júrgizilip keledi.