Qarashanyń qorytyndysy boıynsha jyldyq ınflásıa tómendep, 12,4% deńgeıinde turaqtady. Bul týraly Úkimet otyrysynda QR Ulttyq bankiniń tóraǵasy Tımýr Súleımenov málimdedi, - dep habarlaıdy aqshamnews.kz tilshisi.
Ol ınflásıaǵa eń úlken úlesti azyq-túlik taýarlary baǵasynyń ósýi qosyp otyrǵanyn atap ótti. Jyldyq kórsetkish jekelegen azyq-túlik ónimderiniń álemde baǵasy jáne ishki óndiristiń ósip kele jatqan shyǵyndarymen baılanysty 13,4% bolǵan.
"Qarashada azyq-túlik emes ınflásıa 11,2%, aqyly qyzmetter ınflásıasy 12,3% boldy. 2025 jylǵy qazan-qarasha aılarynda jyldyq ınflásıanyń baıaýlaýy Úkimettiń ákimshilik sharalary nátıjesinde turǵyn úı-kommýnaldyq qyzmetter (TKQ) tarıfteriniń tómendegenimen baılanysty boldy. Sonymen qatar, TKQ tarıfteriniń kóterilýi men JJM naryǵyn yryqtandyrýdyń janama áserleri ınflásıaǵa jáne ınflásıalyq kóńil-kúıge aıtarlyqtaı áser etýde. Sondaı-aq turaqty ishki suranys, jalǵasyp jatqan fıskaldyq yntalandyrý jáne ınflásıalyq kóńil kúıdiń artýy baǵanyń ósýine áser etip otyr", - dedi Tımýr Súleımenov.