Qyrkúıek aıynda ótken is-sharalardyń nátıjesinde Qazaqstanǵa 2024 jylǵy 1-13 qyrkúıek aralyǵynda kelgen sheteldik týrıser sany 597 myńǵa jetti. Onyń 68 myńy elimizge Astana jáne Almaty halyqaralyq áýejaılary arqyly, qalǵandary avto jáne temir jol kóligimen kelgen, dep habarlaıdy aqshamnews.kz.
Sheteldik týrıser sanynyń kóbeıýine yqpal etken negizgi faktorlar – Dúnıejúzilik kóshpendiler oıynynyń ótýi men tanymal ánshi Dımash Qudaıbergenniń konserti. Atalmysh sharalarǵa 89 memlekettiń azamattary kelgen.
«Sheteldik qonaqtar negizinen Qytaı, Reseı, Úndistan jáne Germanıa syndy memleketterden keldi. Mysaly, Qytaıdan 8 myńnan astam, Úndistannan 6 myńnan astam, Germanıadan 4 myńnan astam týrıstiń Qazaqstanǵa kelýi tirkelgen. Álbette, bul derekter Qazaqstanǵa týrısik baǵyt retinde qyzyǵýshylyqtyń artyp kele jatqanyn kórsetedi»,- dep atap ótti Týrızm jáne sport vıse-mınıstri Erjan Erkinbaev.
Vıse-mınıstrdiń sózinshe, týrıserdiń edáýir bóligi Germanıa, Ózbekstan, Túrkıa, Qyrǵyzstan, AQSH jáne Ońtústik Koreıadan kelgen.
EQonaq júıesi Astanada 12 400-ge jýyq sheteldik týrıs tirkedi. Olardyń turýǵa, kólikke, tamaqtanýǵa jáne oıyn-saýyqqa jumsaǵan jalpy shyǵyndary 15,5 mln AQSH dollaryn nemese 7,5 mlrd teńgeni quraǵan. Alys shetelden kelgen týrıserdiń ortasha shyǵyny 1500 dollardyń shamasynda. Demek, Dúnıejúzilik kóshpendiler oıyndaryna kelýshiler el ekonomıkasyna qosymsha 625 myń AQSH dollar qosqan.
Aıta ketý kerek, elordanyń tanymal týrısik nysandaryna 7-13 qyrkúıek aralyǵynda kelýshiler sany artqan. Qazaqstannyń Ulttyq mýzeıi 14 myńnan astam adamdy qabyldap, «Astana-Báıterek» monýmentine 15 myńǵa jýyq týrıs, al «Nur-Álem» pavılonyna 10 myńǵa jýyq adam kelgen.
Halyqaralyq deńgeıdegi mádenı-sporttyq is-shara bolyp tabylatyn Kóshpendilerdiń dúnıejúzilik oıyndary Qazaqstannyń týrısik ımıjin nyǵaıtý úshin eleýli úles qosty. Kóshpendiler oıynynyń uıymdastyrý komıtetiniń málimetinshe, Etnoaýyl men oıyndardyń ózin kórýge 250 myńnan astap adam kelgen.