Qazaqstanda atom elektr stansıasyn (AES) salý máselesine qatysty túrli pikirler aıtylýda. Keıbir azamattar balamaly energıa kózderin (kún men jel) damytýǵa basymdyq berýdi usynyp otyr. Alaıda jańartylatyn energıa kózderin paıdalaný áli birde-bir elge tolyq energetıkalyq sheshim ákelmegenin atap ótkim keledi.
Qazirgi ýaqytta Germanıa atom energetıkasynan tolyq bas tartty, biraq bul olarǵa kómirdi kóbirek paıdalanýǵa májbúr etti. Elektr energıasyn óndirý úshin eń tıimdi ádis – qońyr kómir jaǵý bolyp otyr. Kómir elektr stansıalaryn paıdalaný shyǵyndarynyń edáýir bóligi kómirqyshqyl gazyn shyǵarý kvotalaryna tólem jasaý qajettiligimen baılanysty.
Germanıadaǵy kún men jel elektr stansıalarynyń úlesi shamamen 47%-dy qurasa da, bul energıany ekonomıkaǵa tıimdi engizý qıyn ári qymbatqa túsedi. Osyǵan baılanysty aýyr ónerkásip oryndary AQSH pen Qytaıǵa kóship jatyr, sebebi bul elderde atom energetıkasy elektr energıasynyń baǵasyn tómendetýge múmkindik beredi.
Halyqaralyq tájirıbe kórsetkendeı, Qazaqstan úshin eń tıimdi sheshim – atom elektr stansıasyn salý. Bul tek turaqty energıa kózin ǵana emes, sonymen qatar eldiń energetıkalyq qaýipsizdigin qamtamasyz etedi dep esepteımin.