Bul – 2022 jylǵy kórsetkishke qaraǵanda 225 myń adamǵa kóp.
Iaǵnı, 2022 jyldyń osy kezeńimen salystyrǵanda ósim 37%-ǵa artqan, dep habarlaıdy Almaty-akshamy.kz Ulttyq statısıka búrosyna silteme jasap.
Búro málimetinshe, 2023 jyldyń qańtar-qyrkúıek aralyǵynda elimizge 834,9 myń sheteldik týrıs saıahattaǵan. Al 2022 jyly elimizge 609,8 myń sheteldik kelgen.
Statısıkalyq málimetter boıynsha, elimizge saıahattaıtyn sheteldik týrıserdiń geografıasy jyl sanap artyp keledi. Máselen, Qazaqstanǵa jaqyn kórshilerimizden bólek, muhıttyń arǵy betindegi memleketterdiń de saıahtashylary kóptep kele bastady. Osy oraıda, nazarlaryńyzǵa 2023 jyldyń qańtar-qyrkúıek aralyǵynda elimizge saıahattaǵan TOP-5 eldiń týrıser sanyn usynamyz.
2023 jyldyń alǵashqy 9 aıynda elimiz boıynsha eń kóp saıahatshy – Reseı Federasıasynan kelgen. Byltyrǵy qańtar-qyrkúıek aralyǵynda Qazaqstanǵa 356 850 myń reseılik saıahattaǵan. Ekinshi oryndy Qytaı týrıseri ıelendi. Shyǵystaǵy kórshimizden elimizge 75 131 adamnyń tabany tıgen. Al úshinshi satyǵa Túrkıa týrıseri turaqtady. Anadoly elinen 41 134 týrıs kelgen. Sondaı-aq úzdik bestiktiń qataryna Úndistan (34 757) jáne AQSH (28 160) saıahatshylary endi.
«Jyl saıyn sheteldik týrıserdiń Qazaqstanǵa degen qyzyǵýshylyǵy arta bastaǵanyn baıqap otyrmyz. Máselen, 2022 jyly elimizge 900 myńnan asa sheteldik saıahatshy, al ótken jyldyń 9 aıynda 800 myńnan asa sheteldik qonaq kelgen. Bıyl bul kórsetkish budan da kóbeıe túsedi degen senimdemiz. Óıtkeni elimizde sheteldikterdi tańqaldyratyn, sulýlyǵymen ózine tartatyn, kórse kóz toıatyn kórikti jerler, tabıǵat syı etip bergen sulý mekender az emes. Sonymen qatar mınıstrlik baıtaq jerimizge tabany tıgen árbir saıahatshyǵa umytylmas áser qaldyrý úshin jumys istep jatyr», - dep atap ótti Týrızm jáne sport mınıstriniń orynbasary Erjan Erkinbaev.