Osy jyldyń 11 aıynda Qazaqstan Respýblıkasyna 2,7 mıllıard AQSH dollar somany quraıtyn 136,5 myń avtokólik ákelingen, 358,1 mıllıard teńge kedendik bajdar men salyqtar tólendi, bul ótken jyldyń sáıkes kezeńinen 2 ese kóp, dep habarlaıdy almaty-akshamy.kz Memlekettik kirister komıtetiniń baspasóz qyzmetine silteme jasap.
Ótken jyldyń sáıkes kezeńinde 1 355 mln. AQSH dollary somasyn quraıtyn 46,2 myń avtokólik ákelinip, 183,6 mıllıard teńge kedendik bajdar men salyqtar tólendi. Kedendik qun baqylaýynyń qorytyndysy boıynsha qosymsha - 49,4 mıllıard teńge óndirildi (bastapqy somasy 107,5 mıllıard tenge, túzetýlerdi eskere otyryp 156,9 mıllıard teńge qurady). Qazaqstan Respýblıkasynda kedendik rásimdeý elektrondyq túrde Memlekettik kirister organdarynyń aqparattyq júıeleri arqyly júzege asyrylady. Osyǵan baılanysty syrtqy ekonomıkalyq qyzmetke qatysýshysymen olardyń sıfrlik qoltanbasy arqyly taýarlarǵa deklarasıany óz betinshe kez kelgen jerden usyný jáne qol qoıý múmkindigi bar. Ákelinetin avtokólikterdi kedendik rásimdeý erejeleri óte qarapaıym. Importaýshy taýarlardy kedendik deklarasıalaý kezinde onyń kedendik qunynyń kólik quralyn satyp alýǵa jumsaǵan shyǵyndardy, sondaı-aq ony Qazaqstanǵa jetkizýmen baılanysty shyǵyndar retinde anyqtaýǵa mindetti (kólik shyǵyndary, saqtandyrý tólemderi jáne t.b). Sondyqtan kólik quralyn kedendik qundy qabyldaý úshin onyń quny senimdi, sandyq jáne qujattalǵan aqparatqa negizdelýi kerek. Qujattar retinde: jóneltýshi eldiń eksporttyq deklarasıasy, shot-faktýra, taýardy jetkizýge arnalǵan kólik shyǵyndary, satyp alýshy men satýshy arasyndaǵy satyp alý-satý sharty, bantik aýdarym, aýksıondyq bet jáne t.b. qoldanyla alady.