Sıfrlyq damý, ınovasıalar jáne aeroǵarysh ónerkásip mınıstrligi (SDIAÓM) óz quzyreti sheńberinde turaqty negizde Internet jáne uıaly baılanys jelisine qol jetkizý sapasyn monıtorıńileý jáne jaqsartý boıynsha jumys júrgizýde.
Jyl basynan beri baılanys operatorlaryna qatysty 763 jospardan tys tekserý júrgizilip, 3 mlrd 18 mln teńge kóleminde aıyppul salyndy, dep habarlaıdy almaty-akshamy.kz.
Jeńildikti eskere otyryp, búdjetke 1,5 mlrd 9 mln teńge tólendi.
Anyqtama:
- 2020 jyly 93 tekserý júrgizip, 23,9 mln teńge somasyna aıyppul salyndy;
- 2021 jyly 562 tekserý júrgizilip, 132 mln teńgege aıyppul salyndy;
- 2022 jyly 1175 tekserý júrgizilip, 1,6 mlrd teńgege aıyppul salyndy;
Eske sala keteıik, 2022 jyldyń shildesinen bastap zań buzýshylyqtar anyqtalǵan jaǵdaıda baılanys operatorlaryna 1000 AEK esebinde aıyppul salynady, al bir jyl ishinde qaıtalap zań buzǵan jaǵdaıda aıyppul somasy 1500 AEK-ke deıin ósedi.
2019 jyldan 2022 jyl aralyǵynda, ıaǵnı aıyppuldardyń ósýine deıingi kezeńde operatorlar nusqamalardyń tek 33%-yn, al aıyppuldardy arttyrý boıynsha jumystar júrgizilgennen keıin, 2023 jyly operatorlar nusqamalardyń 65%-yn oryndady.
Operatorǵa qatysty baılanystyń nemese Internettiń nashar sapasyna tekserý júrgizý úshin qazaqstandyqtar resmı ótinishti Telekomýnıkasıalar komıtetiniń (SDIAÓM) ne tıisti oblys mınıstrliginiń aýmaqtyq baılanys ınspeksıasynyń mekenjaıyna «Elektrondy úkimet» portaly, «E-Otinish» ótinishter berý júıesi arqyly ne qaǵaz túrinde joldaýlary qajet. Ótinishte shaǵymnyń mánin, baılanys operatorynyń ataýyn jáne tekserý júrgizý qajet ótinish berýshiniń naqty mekenjaıyn kórsetý mindetti.
Áleýmettik jeliler arqyly kelgen ótinishter negizge alynbaıdy!
Aıta keteıik, Mınıstrlik kórsetiletin baılanys qyzmetteriniń sapasyn ǵana retteıdi. Uıaly baılanys operatorlarynyń tarıftik qyzmetteriniń baǵasyn kóterý boıynsha azamattar Básekelestikti qorǵaý jáne damytý agenttigine júginýi kerek.